Day 6 - 珍惜

父母健在是福氣。

見完營養師 J回家，得知一個uncle 昨晚看電視時中風離世了。雖然我和那個uncle 無乜見面，但他是媽媽幾十年好朋友的先生，我無心機煮嘢食，晚餐食之無味。

世事無常，身邊不是父母雙全的朋友都不少。父母健在，真的要珍惜一同相處的日子。

J見過去一星期，我大多自行煮食，要求未來一星期多點外出食飯。J：「難道你一世咁樣食嘢？趁初段減重成效未顯著，就要訓練外出吃飯都懂得看menu，從中選擇合適合量的食物。否則，將來明顯瘦下來，你珍惜更加不外出食飯。一定要克服，先看熟食物指引，再學習從menu 中選擇到對的食物，且不受引誘。」

J 有道理。長遠而言，懂得在各種餐牌中選擇食物很重要，否則整件事不practical，減了磅都會反彈。

午餐未聞噩耗，有心機煮西餐 － 香草雞肉番茄芝士意粉。30分鐘搞掂。清新健康～ 雞肉超好味，番茄醬汁就味道偏淡，下次會試加入蔥粒或芫茜吊味。製法如下：

雞肉：80克雞胸肉，去脂肪。加少量鹽、糖、生粉，檸檬汁和香草，醃1小時備用。然後在鍋中放1茶匙牛油，煎香即成。
醬汁：2個番茄切粒，放入鍋中煮沸，加入一塊低脂芝士(笑牛牌light cheese spread)煮溶，加少少黑椒和香草。

Facebook Page:  www.facebook.com/KeepFitBB